یہاں ہر شے آنی  جانی ہے
جیسے دریا کا بہتا پانی ہے

وقت کی آنکھیں بھیگ گئی ہیں
بات کوئی ان جانی  ہے

لمحے گم ہیں صدیاں حاضر
اتنی سی میری کہانی ہے 

شام سمے ہے راستہ لمبا
اور دکھ راہ کی نشانی ہے

اندر ٹہر گئے آنسو 
ہنسی میں پھر بھی روانی ہے

سنآٹے کے شور میں گم
ان ہونی سی ویرانی ہے

کس کو بھول گیا یہ دل
حیرانی ہے حیرانی ہے

کیوں دل کی مانوں بات کوئی
کب  اس نے میری مانی ہے

اپنے  آپ سے ملنے کی
خواہش بڑی پرانی ہے

کس کی ہار اورکیسی جیت
دل نے ایک ریت نبھانی ہے

چڑیاں راستہ بھول گئیں ہیں
پیڑوں پر ویرانی ہے